Faba de Lourenzá
Debido ás características do solo e ás técnicas tradicionais empregadas no seu cultivo, as leguminosas producidas na Mariña lucense presentan unha calidade culinaria excepcional.
Estas condicións edafolóxicas da zona son especialmente favorables para o cultivo da faba, obténdose un gran brillante, de pel fina e polpa tenra, cunha agradable textura e un característico sabor.
No que respecta ao clima, as abundantes chuvias na área produtora de Faba de Lourenzá –1.200-1.400 mm/ano- e as temperaturas suaves –media anual de 12 a 14°- favorecen o óptimo desenvolvemento vexetativo dos cultivos e, por conseguinte, obtéñense unhas colleitas finais de calidade contrastada.
Nas zonas agrícolas produtoras predominan os solos francos e franco-lamacentos, con valores de pH comprendidos entre 7 e 5, ideais para o cultivo da faba.
|
 Historia e influencia asturiana
As primeiras referencias coñecidas sobre o mercado de fabas de Lourenzá remóntanse ao século XVIII. Dende aquela ten pasado por diversas etapas ata o seu rexurdimento entre os anos 1970 e 80.
 Enfermidades
O cultivo das leguminosas adoita verse afectado por diversas enfermidades, causadas por fungos e pragas. Para evitalas, cómpre adoptar unha serie de medidas preventivas e aplicar tratamentos específicos.
 Produción, distribución e procesado
Galicia sitúase entre as principais comunidades produtoras de fabas do país. Dentro da nosa comunidade, o mercado de Lourenzá consolidouse como un referente ao acadar a cifra de 600 toneladas de transacción anual deste produto agrícola.
 Denominación de Orixe
Actualmente trece concellos da Mariña lucense constitúen a zona productora de Fabas de Lourenzá. Dende o ano 2000, contando co apoio da Xunta de Galicia, trabállase para lograr unha Denominación de Orixe Protexida para esta leguminosa.
 Técnicas de cultivo
O sistema de cultivo tradicionalmente empregado na producción da faba está intimamente vencellado en Galicia á produción de millo. Malia ter sido esta a técnica predominante, nas últimas décadas introduciuse paulatinamente o monocultivo da faba con entitorado.
 Galería de imaxes
As etapas e modalidades de cultivo, os carteis da Festa da Faba, imaxes históricas... dispoñibles nesta galería en liña.
|
|
